Түркия Парламентинин Достук тобунун мүчөлөрү Жогорку Кеңешке жана Манас университетине келишти 2008-07-06 06:43:29
Дос жана бир тууган өлкөлөр менен байланышты өнүктүрүү макстында Түркия Парламенти түзгөн Достук тобунун мүчөлөрү Жогорку Кеңешке келишти. Эки өлкөнүн ортосундагы достукту өнүктүрүү; экономикалык, саясий жана илимий тармактарда кызматташтыкты чыңдоо максатында Бишкектеги депутаттарыбыз андан сырткары Кыргыз-Түрк Манас университетине барышты.
Достук тобунун мүчөлөрүнөн Ибрагим Хасгүр, Мехмет Шахин, Айше Жале Агырбаш, Сулейман Туран Чиркин, Музаффер Гүлйурт жана Жогорку Кеңештин Достук тобунун мүчөсү, депутат Жангороз Каниметов, Түркия элчисинин орун басары Өзгүр Гөкмен Манас университетинин ректору Проф. Др. Сулайман Кайыпов жана проректор Проф.Др. Угур Орал менен жолугушту.
Достук тобунун мүчөлөрүнө Манас университети жөнүндө маалымат берген университеттин ректору жана проректору университеттин ачылыш максатын жана миссиясын эң мыкты аткарып жатканын, анын болсо Кыргызстандын Президенттик администрациясы менен Жогорку Кеңештин университетке болгон ишеничинен келип чыкканын белгилешти.
Депутаттар болсо Манас университетинин жетишкендиктерине байкоо жүргүзгөнүн айтышып, Түркия да, Кыргызстан да Манас университетине керектүү деңгээлде көңүл бурганын белгилешти. Айрыкча эки тууган жана дос өлкөнүн депутаттары Манас университетинин келечекте түрк дүйнөсүнүн ортосунда билим жана туугандыктын көпүрөсү болоруна терең ишеничин айтышты.
Чогулуштан кийин депутаттарыбыз Манас университетинин Жал кампусуна барышты
