Түрк дүйнөсүнүн алтын көпүрөсү болгон Манас университети алтынчы жолку бүтүрүүчүлөрүн узатты 2008-07-16 05:55:50
КТМУ бүтүрүүчүлөрү үчүн филармонияда уюштурулган салтанатка КТМУ Камкордук кеңешинин мүчөлөрүнөн Түркиянын Жогорку билим берүүнү көзөмөлдөө кеңешинин башчысы Хусейн Чевикбаш жана Анкара Университетинин Коомдук билимдер факультетинин деканы Проф. Др. Желал Гөле, Кыргызстан Айыл жана суу-чарба министри А. Ногоев, Кыргыз-түрк парламенттер аралык Достук тобунун башчысы жана депутат Ж.. Каниметов, Түркиянын Бишкектеги элчилигинин аскердик атташеси, Бишкек мэринин орун басары У. Молдобекова, Кыргыз-түрк ишекерлер коомунун өкүлдөрү, окутуучулар, түрк тилин үйрөтүү борборунун жана Анадолу кесиптик лицейинин окутуучулары жана окуучулардын жакындары катышты.
КТМУ 2008-ж. бүтүрүүчүлөрү сахнага чыгып, улуу лидер Ататүрктү жана улуу жазуучу Ч. Айтматовду эскерип, минуталык аза күтүүдөн соң эки өлкөнүн гимни ойнолду.
Салтанатта КТМУ ректору Проф. Др. С. Кайыпов, “Биз мугалимдер катары, чоң жоопкерчилик менен, бүтүрүп жаткан окуучуларыбызга берген билимден улам сыймыктанабыз. Элине, өлкөсүнө кызмат кылсын деп билим бердик” деди. Университеттин Камкордук кеңешине рахматын айтып, бүтүрүүчүлөргө жашоолорунда ийгилик каалап, ректор “Жолуңар жана бакытыңар ачык болсун” деди.
КТМУ проректору Проф. Др. Угур Орал Манас университетин бул жыл 256 окуучу аяктаганын эскертип, бүтүрүүчүлөрдү жана үй-бүлөлөрүн куттуктап, ийгилик каалады: “Силер узун жолду басып өттүнөр, жаңы билимдерге ээ болдуңар. Алган билимиңер менен бүгүнкү жана эртеңки дүйнөнү түшүнүү жана баалоо мүмкүнчүлүгүнө ээ болдуңар. Силер ата-бабаларыбыз, Манас жана Ататүрк койгон принцип жана максаттары менен демократиялык коомдордун лидерлери болосуңар”.
Хусейн Чевикбаш болсо салтанатка катышкандыгы учүн абдан кубанычта экендигин белгилеп, окуучуларга: «Силер бугүндөн баштап Кыргызстан менен Түркия элдери арасында бир көпүрөсүңөр. Эч качан унутпагыла. Бул көпүрөнү эки жактан да ачык туткула” деди.
Желал Гөле сөзүндө “Бүтүрүүчүлөрдүн жанында туруп, абдан сыймыктанганын” айтты. Салтанаттын өзү эле Манас университетинин жетишкендиктерин көрсөткөнүн белгиледи.
А. Ногоев окуучуларга жашоолорунда жана кесиптеринде ийгилик каалоо менен бирге университетте ачылуусу пландалып жаткан Айыл-чарба факультетине колдоо көрсөтөөрүн белгиледи.
Ж. Каниметов, бүтүүрү аземи адамдын өмүрүндө эң маанилүү майрам экендигин айтты. КТМУ өлкөдө эң ийгиликтүү университет жана элге чоң ийгиликтерди алып келерине ишенгенин белгилеп, бүтүрүүчүлөргө ийгилик каалады.
Салтанатта Түркия Парламентинин төрагасы Көксал Топтан, Түркия Адилет министри Мехмет Али Шахин, Түркия Каржы министри Кемал Унакытан, КТМУ Камкордук кеңеш башчысы жана Түркия каржы боюнча кеңешчи Хасан Басри Актан, Иштетүү кеНешинин мүчөсү Проф. Др. Берхат Куртулуш, Намык Кемал университети, Мимар Синан көркөм санаттар университети, Балыкесир университети, Фырат университети, Карадениз техникалык университети, Харран университети, 19-май университети, Малтепе университети, Кахраманмараш университети, Стамбул университети, Гази университети, Чанкая университети, Мерсин
университети, Мугла университеттерини ректорлору жиберген куттуктоо каттары окулду.
Андан соң бөлүм биринчилерине дипломдор берилип, факультет биринчилерине ректор жана проректор, университтети үчүнчү, экинчи жана биринчи болуп бүтүргөн окуучуларга Камкордук кеңеш тарабынан сертификаттар жана белектер берилди.
Бүтүрүүчүлөр ант берүү аземинен соң пилоткаларын өйдө ыргытып майрамын куттукташты. Салтанат КТМУ студенттеринин концертинен кийинки уюштурулган коктейль менен аяктады.
